Gasera ang pinili naming ipangalan sa aming grupo sapagkat kinikilala namin ang mahalagang papel ng gasera sa buhay ng ating pambansang bayani.

        Ang gasera ay isang mahalagang tauhan sa kwento ng batang gamu-gamo na ibinahagi ni Donya Teodora sa batang Rizal na hinahalintulad din sa isang mithiin na bagamat mapanganib at maaring ikamatay ay buong tapang pa ring susuungin ito upang makamit gaya ng mithiin ni Rizal na mabuksan ang kaisipan ng mga Pilipino at talikuran ang mapangabusong kolonisador na kapag ipinaglaban ay maaring humantong sa kamatayan, na siya ring naging katapusan ng ating pambansang bayani. Sa gasera rin itinago ni Rizal ang kanyang huling tulang Mi Ultimo Adios na inahabilin niya sa kanyang mga kapatid.